Spy Princess-ah Freida Pinto

'Slumdog Millionaire'  star Freida Pinto chu Shrabani Basu lehkhabu ziah 'Spy Princess: The Life of Noor Inayat Khan' TV series-a siam tur 'Spy Princess'-ah a chang dawn.

Frieda Pinto hian World War Two spy 'Noor Inayat Khan' lem a chang dawn a, executive producer zingah a tel dawn bawk. 'Noor Inayat Khan' hi wireless operator hmeichhia a ni a, Indopui II-na hunlaia spy niin real-life hero a ni.

"Noor kha hmeichhe huaisen leh ropui tak a ni a, Indopui II-na hunlaia hmeichhe hero ni tur pawha awm lo tak a ni hial. A hmatawnga hmeichhe ṭantir hi tun thleng pawhin thil sawisel hlawh a la ni. Khatih hunlai phei kha chuan ngaihtuah thiam a har hial zawk. Silai hmang lo tur Sufi Mystic, Indian guru sam sei hmangaihna leh remna thu sawi ṭhintu fanu tirh chhuah kha chu- thil awm lo tak a ni!" tiin a lem a chang tur chungchang chu a sawi.

Frieda hian screenwriter Olivia Hetreed script ziah chu ṭha a ti hle a, Noor-i chanchin chu thiam tak leh ropui taka ziah chhuah thu sawiin, film danga superhero hmeichhia a hmuh dang nen chuan a danglam dawn hle a ni, a ti.