Godzilla vs. Kong March thla tawpah

Sakawlh lian pahnih insual hun tur film lam tuipuitute'n an hmuh chak tawh tak chu kan beisei aiin an insual hma dawn a nih hmel! Warner Bros. chuan March 26-ah tlangzarh an tum.

Godzilla vs. Kong hi May thlaa tlangzarh tur anga ngaih vek tawh kha a ni a, mahse Warner Bros. lam chuan thla hnihin tlangzarh hun tur hi an sawn hma a, thlaleh lehpek tawp lamah hi chuan sakawlh pahnih insual lai hi kan thlir hman dawn a ni.

Theatre-a tlangzarh a nih dawn piah lamah Wonder Woman 1984 hnuhzuiin HBO Max-ah an tichhuak tel dawn. Godzilla vs. Kong siamna atan hian $mtd 160 aia tlem chu an seng lo nia tarlan a ni a, hetiang a nih chuan an bugdet hmu chhuak tur pawh hian nasa taka ṭan an lak a ngai dawn a ni.

Alexander Skarsgård, Millie Bobby Brown leh Rebecca Hall-te channa hi kum 2018 aṭanga chan ṭan tawh kha a ni a, kum 2019-ah khan chang zo tawhin nikum November-a tlangzarh kha an tum a, mahse Covid-19 hripui leng vangin tlangzarh hun hi an sawn hlat leh a ni.