Hmeichhe zaithiam dangte tluk loh Aretha Franklin

Billboard huang chhungah tunge ropui ber ti ta ila mi tam tak chuan Taylor Swift, Madonna, Rihanna tih velin an chhang mai thei a, mahse heng mite hian Aretha Franklin an tluk lo.

Billboard chuan Billboard Hot 100-a hla lang pha nei hnem a tarlang a, Taylor Swift aiin Nicki Minaj a ropui a, Nicki Minaj aiin Aretha Franklin a ropui zawk. Hmeichhe zinga Billboard Hot 100-a lang pha hla nei hnem ber chu Aretha Franklin hi a ni a, a hla 73 zet chu Billboard Hot 100-ah hian a lang tawh a ni.

Lang hnem ber dawttu chu Nicki Minaj a ni a, hman ni lawk khan Nicki Minaj hla ëBlack Barbiesí chu Billboard Hot 100-ah hian 65-naah a lang a, Taylor Swift a rawn khum. Heti hian Nicki Minaj hian Billboard Hot 100-a lang thei hla 70 lai a nei ta. Minaj hi Billboard Hot 100-a hla nei hnem, mipa leh hmeichhiaah chuan 12-na daih a ni thung.

Taylor Swift chuan hla 69 zet mai Hot 100-a lang thei a nei a, hmeichhiaah chuan pathumna a ni. Nicki Minaj nen hian an innih rual ngar ngar a, tunhnaiah Minaj hian a lehpel ta a ni.

A pumpui thuah chuan Lil Wayne-aín Hot 100-a lang thei hla a nei hnem ber a, 132 lai a nei a, a dawt chu Drake niin hla 131 a nei. Hmeichhe lamah bik hian Madonna leh Rihanna te chuan hla 57 neiin palina ve ve an ni a, Dionne Warwick chuan hla 56 neiin pangana a ni a, Beyonce leh Connie Francis te chuan hla 53 an nei a, Brenda Lee-iín hla 48, Mariah Carey-iín hla 47 leh Miley Cyrus-iín hla 43 an nei.