Mi Pad 3 chanchin a awm

Xiaomi kutchhuak tablet, Mi Pad chu a thar a awm hnai mai thei a, a chanchin eng eng emaw chu tech news ten an tarlang ṭan. Mi Pad 2 a chhuahna a rei ve leh ta a, kum khat vel lai a ni ve tawh.

Mi Pad hi a hmai a hlai hmel hle a, inchi 9.7 a ni dawn niin an sawi a, a screen resolution pawh a
ṭha dawn a, 2048 x 1536 a ni ang a, Apple iPad Pro nen pawn size leh resolution-ah khaikhin tlak a nih hmel. Mi Pad 3 hi iPad Pro ai chuan a pan hret a, a z‚ng hret bawk niin an sawi.

A processor-ah hian 7th Gen Core m3-7Y30 a hmang ang a, a RAM hi 8GB a ni ang. Storage len dan aṭangin chi hnih a awm dawn a, pakhat zawk chu 128GB storage awm chi a ni a, pakhat zawk chu a leng hnem zawk a, 256GB a ni ang. Windows 10 a hmang dawn niin an sawi a, a battery pawh 8,290 mAh a ni hem mai.

Camera lam pawh a ṭha pangngai viauin a rinawm. A hnung lam camera hi 16MP a ni ang a, dual LED tone flash nena thiam a ni a, a hma lam hi 8MP a ni thung ang. December 30 hian an launch dawn nia sawi a ni a, 128 GB chi hi US Dollar India pawisaa chantirin Rs. 19,587 hu a ni a, 256 GB hi 22,502 a ni thung.