Miley Cyrus-i’n stage name a thlak dawn?

Pop star lar Miley Cyrus chuan Thawhṭanni khan Instagram leh social media dangah hla thar a tihchhuah tur lam hawi rawn sihhmuhin, visual thar chi hnih a tichhuak a, hei hian a fan-te leh ṭhalai tam tak a chawk phûr hle. Hei bakah a stage name aṭangin Cyrus tih pawh a paih dawn niin a lang.

Miley hian a hming a dahlan ṭhin, a pa hming a chhawm 'Cyrus' tih chu paihin, visual tharah chuan 'MILEY' tih chauh a ziak a, a social media username leh website pawh '@miley' tiin a thlak nghal vek bawk. Hei hi hla thar thupui tur nge ni a, a lemchan leh rimawi khawvel inkaihhruaina thar tiin mi tam tak chuan an sawi zui nasa hle. "Something Beautiful" album a tihchhuah hnuhnun ber aṭang khan a hla thar hi ṭhalaite nghahhlelh ber pakhat a ni.