Jimin-a'n Japan-ah Solo Platinum Certification dawng

Global superstar BTS member, Jimin chuan a vawi khatna atan Japan-ah solo platinum certification a dawng. A solo track 'Who' chuan Japan-ah stream mtd 100 nei tlingin Recording Industry Association of Japan (RIAJ) aṭangin Platinum award a dawng a ni. He certification hi August 27 khan RIAJ-in July thlaa streaming awards a pek chhuahnaah puan a ni. Jimin hi South Korean artist zinga thla khat chhunga platinum tier-a tel awmchhun a ni.

Jimin hian kum 2024 July thla khan a solo album pahnihna, 'MUSE' title track 'Who' hi tichhuakin, K-pop artist zinga Japan-a stream mtd 100 nei tling thei hmasa ber a ni. RIAJ chuan streaming certification hi stream mtd 50-ah gold a pe a, mtd 100-ah platinum leh, maktaduai 500-ah diamond a pe ṭhin. Jimin hi Japan-ah hian a cheṭha thei hle a, a solo album hmasa ber 'FACE' chuan physical sales-ah platinum certification dawngin, 'MUSE' chu copy 100,000 hralh chhuah a nih hnuah gold pek a ni leh bawk.