Los Angeles-ah 'BTS Week' hmang dawn

Global superstar BTS-ten SoFi Stadium-a world tour an neih tur denchhenin, Los Angeles-ah September 1 aṭanga 8 thleng hian 'BTS Week' hman a ni dawn. Kum 2021 December thlaa LA show an neih aṭanga kum nga dawn liam hnuah, BTS hian September 1-2 bakah 5-6 hian 'ARIRANG' world tour peng pakhat atan an perform dawn a ni.

He hunah hian Los Angeles City Hall chu BTS studio album pangana, 'ARIRANG' signature red color-a kah en a ni dawn a ni. Official proclamation ceremony chu August 31 khan City Hall-ah neih a lo ni tawh a, he hunah hian city official, tourism bureau leh Big Hit Music aiawhte an tel a ni. Mayor Karen Bass chuan BTS chawimawina an nei chu ropui a tih thu sawiin, khawtlang inpumkhatna tura arts leh culture pawimawhna a sawilang bawk.

Los Angeles tourism director Doane Liu chuan, BTS chu an music kaltlanga culture hrang hrang leh generation-te zawmkhawmtu a nih thu a sawi. Tourism CMO Eileen Hanson pawhin concert-a telte chuan, 'BTS Week' hman chhung hian BTS leh Los Angeles inzawmna an hmuh chhuah ngei a beisei thu a sawi a ni.