Kumina superhero film chhuak thar tur te

Khawvel a changkang zel a, kan en duh zawng pawh a inthlak nasa hle. Superhero film ngainatute tan chuan kumin hi 'kum ṭha' tih loh phal chi rual a ni dawn lo va, an movie en duh zawng ṭha tak tak chhuak tur a awm nual mai. 

Chung zingah chuan Captain Marvel leh Avengers: Endgame-te hi boruak nei lian berte zinga mi an ni awm e. Heng bakah hian X-Men: Dark Phoenix leh Spider-Man: Far From Home-te pawh a la awm cheu bawk. 

Captain Marvel 

He fantasy/adventure film hi kum­tir lamah tlangzarh a ni dawn a, en chakawm tawh tak a ni. American film star Brie Larson, Samuel L. Jackson leh English actor Jude Law-te channa hi March 8 hian tlangzarh a ni dawn a, superhero movie ngainatute tan chuan chanchin lawmawm tak a ni ngei ang le. 

Nikum kum tir lam khan Avengers : Infinity War chu release a lo ni tawh a, a hlawhtling hle a nih kha. Hollywood super star rual inlanna hi kum 2018 chhunga film hlawhtling leh sum hailut hnem ber a ni nghe nghe. 

Kuminah pawh Avengers: Endgame tihchhuah a ni leh dawn a, a boruak a lian leh tawh hle. Infinity War-a inlan - Chris Evans, Robert Downey, Jr. leh Scarlett Johansson-te chu kan hmu leh dawn a, Mark Ruffalo, Chris Hemsworth leh english actor Tom Holland-te an la awm cheu bawk. Anni bakah hian Infinity War-a kan hmuh eng emaw zat khan an inlan dawn bawk a ni. 

American film director lar Anthony Russo leh Joe Russo-te kutchhuak Avengers: Endgame hi April 26 hian US-ah tlangzath a ni ang. 

Sophie Turner, Jessica Chastain leh Jennifer Lawrence-te an channa a nih miau avangin ngaihven a hlawh lo thei lo va, en pawh a chakawm tawh hle. June 7-ah tlangzarh a ni dawn a, he science fiction/action film hi kumina superhero film chhuak thar tur zingah chuan thawm nei lian berte zinga mi a ni. 

July thla khian Japan lamah release a ni ve thung dawn a, thawm pawh a nei leh hat tura ngaih a ni. English actor Tom Holland chu a changtupa tur a ni dawn a, American actress Zendaya leh American star Jake Gyllenhaal-te chu mipui mitfukna tur an ni bawk ang. 

Spider-Man lo en tawh ṭhinte tan chuan hmaih phal chi rual a ni lo. 

Heng bakah hian The New Mutants chu August thla-ah tlangzarh a ni ang a, Joker chu October thla-ah a chhuak ve bawk ang. X-Force chu November thla tawpa lama tihchhuah hman beisei a ni bawk.