November-ah 'Ramayana' tlangzarh dawn

Sony Pictures Entertainment chuan kumin November 6 hian, Indian Hindi-language epic mythological film 'Ramayana' chu khawvel pumah a tlangzarh dawn. Film-ah hian Ranbir Kapoor, Yash leh Sai Pallavi-te an chang a ni. Nitesh Tiwari chuan part hnih awmna film hi a ziak a, culture hrang hrang en theih tura tih niin, English bakah ṭawng chi hrang eng emaw zata tihchhuah a ni dawn a ni.

Film-a music hi Hans Zimmer leh A.R. Rahman-te kutchhuak a ni a, action choreographer-te chu Terry Notary leh Guy Norris-te niin, Ramsey Avery leh Ravi Bansal-te chu production designer an ni. Film hi Namit Malhotra-a Prime Focus Studios leh Yash-a enkawl Monster Mind Creations-te produce a ni bawk. 'Ramayana' part 1 hi Diwali holiday hun chhunga tihchhuah tur a ni a, Part 2 hi nakkum Diwali-ah tihchhuah leh a ni ang. Ramchhunga he film tihchhuah buaipui tur atan media personality, Karan Johar-a Dharma Productions chu ruat a ni bawk.