'Dunkmen' season 2 siam dawn

American former basketball player leh sports analyst, Shaquille O’Neal-a professional dunk league series, 'Dunkman' season hnihna siam a ni dawn a, nakkumah tlangzarh a ni ang. Project hi Authentic Brands Group leh TNT Sports-te chuan an siam dawn a ni.

Hemi chungchangah hian O'Neal chuan infiammi te chu superstar an ni a, dunking hi professional sport a ni tih a sawi. Khaw tam zawk, ram tam zawk, team battle leh junior division-ah ṭhangthar lo awm zel turte tan hma an lak tur thu a sawi bawk a, infiamna hmalam hun an siam mek thu a sawi bawk. NBA season tawp aṭanga NFL leh College Football season ṭan a nih thlengin dunker-te chuan professional league-a an tel theihna turin khawvel hmun hrang hrangah inelna an nei dawn a ni.

Kumin hian team inelna a awm dawn bawk a, infiammi kum 15 hnuai lam tan junior division a awm bawk ang. Dunker-te hian big league-a an tel hmanin professional judge panel hmaah open-competition event hrang hrang an qualify a ngai bawk. Nikuma season 1 tihchhuah a nih khan TNT Sports-ah entu mtd 6 vel an awm a, social media-ah video impression mtd 1.5 vel a nei bawk. Hemi ṭum hian Dunkman 24-te chuan live event paliah inelna neiin, Cam Hazzard chu Dunkman World Champion atan thlan a ni a, USD 500,000 grand prize a dawng bawk.