American milar zinga hausa ber George Lucas

Filmmaker lar George Lucas chu American milar zinga hausa berah Forbes Magazine chuan a puang. Steven Spielberg leh Oprah Winfrey-te chu top 3-ah an lang a, a hausa zual 10 thlan chhuah zingah a vawi khat nan Kylie Jenner a tel bawk. 

Kum 74 mi lai a ni tawh a, a hausakna erawh a la pung thur thur thung. George Lucas hi film siamtu hlawhtling a ni a, Star Wars leh Indiana Jones-te avangin hriat a hlawh hle. Film khawvelah chuan hriat hlawh berte zinga mi a ni a, Star Wars: The Last Jedi leh Star Wars: The Force Awakens siam kawngah pawh a thawh hlawk hle a ni. 

George Lucas hausakna hi $tld 5.4 zet nia chhut a ni. 

Filmmaker dang Steven Spiel­berg chu hausa ber dawttu a ni a, a hausakna hi $tld 3.7 zet a ni. 

Oprah Winfrey hausakna chu $tld 2.8 zet a ni a, American basketball player Michael Jordan chuan palina a hauh phak bawk. American reality star Kylie Jenner chu top 5-ah a inhlangkai a, JAY-Z chu parukna a ni. Forbes chuan Kylie Jenner hausakna hi $mtd 900.7 velin a chhut a, JAY-Z chuan $mtd 900 lai a nei bawk. David Copperfield, Diddy, Tiger Woods leh James Patterson-te chu top 10-ah an lang bawk. 

American milar hausa zualte sum neih belhkhawm hi $tld 18.7 zet a tling a ni. 

1. George Lucas     – $5.4

2. Steven Spielberg     – $3.7

3. Oprah Winfrey     – $2.8

4. Michael Jordan     – $1.7

5. Kylie Jenner     – $900.7

6. JAY-Z     – $900

7. David Copperfield     – $875

8. Diddy     – $825

9. Tiger Woods     – $800.8

10. James Patterson     – $800