B.B. King documentary siam dawn

American legendary blues musician, B.B. King documentary siam a ni dawn tih B.B. King Music Company chuan an puang a, he documentary-ah hian King-a mimal chanchin, music leh a rimawi hmanga midang a hneh dante tarlan a ni ang. Documentary hi siam mek a ni a; creative team, production, tlangzarh leh pek chhuah dan turte pawh puan chhoh zel a ni ang.

Documentary-ah hian King-a'n Mississippi Delta aṭanga bul a ṭan dan leh, international superstar a nih theihna tura a zinkawng, guitarist leh vocalist a nihna hmanga blues, rock, soul, jazz leh a music lar tak takten nghawng thui tak a neihte tarlan beisei a ni. A career-a hunrei tak hlawhtlinna a neih hnuah, kum 2015 khan kum 89 mi niin a thi a ni. Project hi B.B. King Music Company leh Estate of B.B. King-te thawh dunnaa siam a ni.

Documentary-ah hian film producer Vassal Benford chu executive producer a ni a, Hamid leh Camille Torabpour-te chuan an production company, Winter State Entertainment hmangin an produce a ni a, Leslie Small chu director a ni bawk.