Lamine Yamal leh American Eagle thawk dunin collection tichhuak

Barcelona leh Spain football star Lamine Yamal chuan ṭhalaite ngainat hlawh fashion brand, American Eagle Outfitters nen thawk dunin anmahni pual thuamhnaw thar 'capsule collection' an tlangzarh. Yamal leh American Eagle-te inremna hi kum nga chhung atan an siam hnuah an thawh hona hmasaber hi September 3, 2026 aṭang khan online lamah zawrh ṭan a ni.

He collection thar hian thuamhnaw hrang hrang chi 25 a huam a; chung zingah chuan baggy denim kekawr, cargo trousers, hooded denim jacket leh rugby shirt-te a tel. Yamal-a duhdan leh incheina mil zawngin thuamhnaw hrang hrang siam a ni a, khelmual piah lama a mimal zia lantir thei tura an duan a ni bawk.

American Eagle hotute chuan ṭhalaite ngainat Lamine Yamal hi an tana thawhpui hlu tak a nih thu an sawi. World Cup 2026 hnehna an chan hnua an tlangzarh he collection hi web store (ae.com) kaltlangin a lei theih nghal a ni.