NE Star Ultimate Music Talent Hunt live audition nei

NE Star Ultimate Music Talent chu Toyota leh Unitex Inc. te buaipuina hnuaiah September 3 khan live audition neih a ni. He event hi chawhnu dar 2 aṭangin Aizawl-a Toyota showroom-ah buatsaih a ni.

Event hi IPRS thlunzawmna nena buatsaih a ni a, music lama talent nei ṭha tak takte an inlan. Event hi Veolf (Vena Fanai) chuan host-in, programme-ah hian Ruth Chali (Evenflow) leh Booma (Sound From the Hills) te an zai. Zoram Tochhawng (DP Zote Toyota) leh general manager Sandip Kumar Dhar-te chuan thusawina hun hmangin, judge-te inhmelhriattirna hun neih a ni bawk.

Live audition hi darkar hnih awh a ni a, state-a talent nei ṭha tak takte an inlan a ni. An zing aṭang hian state aiawh tur mi pahnih thlan an ni ang. Selection process hi state pasariha neih a ni. He inelna result hi September 16 hian NeStar Instagram page-ah puan a ni ang. Grand Finale hi September 27 hian Guwahati-ah neih tur a ni.