Prime Video-in 'Spider-Noir' cancel

Prime Video/MGM+ series, Nicolas Cage channa, 'Spider-Noir' chu episode pariat tihchhuah a nih hnuah cancel a ni a, season hnihna siam a ni tawh dawn lo. He thu hi Emmy ceremony-a series-in nomination 11 a hmuh hnuah puan a ni. Series hian Rotten Tomatoes-ah rating 92% a nei a ni.

'Spider-Noir' hi Marvel kaihhnawih series hmasa ber niin, Amazon chuan Sony Pictures TV nen inremna an siam hmanga Sony Pictures Universe of Marvel Characters aṭanga character leh thawnthu siam tura an premiere hmasak ber a ni bawk. Series hi Marvel Comics character Spider-Man Noir behchhana siam a ni a, Oren Uziel chuan TV-a tihchhuah atan a siam a ni. Great Depression hunlai anga chan niin, Cage hi private investigator Ben Reilly lemah a chang a ni.

Series hi kumin May 25 khan MGM+ channel-ah premiere a ni a, hemi tuk aṭang hian Prime Video-a stream theiha buatsaih a ni. Nielsen-in a tarlan danin, series hian kar ruk chhungin view tld 2.6 a nei.