NewJeans hla 'Super Shy' in Spotify-ah stream mtd 900 nei tling

South Korean girl group NewJeans hla hit, 'Super Shy' chuan Spotify-ah stream mtd 900 a nei tling ta. Hei hi Spotify-a an hla stream mtd 900 nei tling thei pathumna a ni. 'Super Shy' hian September 4 thleng khan stream 900,048,067 a nei tawh.

An hla dang zinga stream mtd 900 nei tling tawhte chu, 'OMG' leh 'Ditto' te an ni. 'Super Shy' hi kum 2023 July thla khan tlangzarh a ni a, global chart-ah pawh an chet ṭhat pui hle. He hla hi U.S. Billboard Hot 100-ah kar riat chhung an lanpui thei a, U.K. Official Single Chart-ah kar kua an lanpui bawk. Hei bakah Spotify-a Daily Top Songs chart-ah khawvel pum leh U.S. market-a top 10-ah an lanpui bawk a ni.

'Super Shy' hi Pitchfork-a 'The 100 Best Songs of the 2020s So Far' tiha K-pop hla lang thei awmchhun niin, No 13-ah a lang. Hei bakah Billboard, Rolling Stone, The Guardian, NME leh i-D chuan best songs of 2023-ah an feature bawk.