G.I.G Motors Ṭhazual Gospel: Mizo Idol Emma hla "Lawmthu ka hrilh che Lalpa" a mawi ber

G.I.G Motors Ṭhazual Gospel chart tharah Mizo Idol Emmanuel Lalremruata hla tihchhuah thar ber, 'Lawmthu ka hrilh che Lalpa' aia mawi a awm rih lo. He hla hi Emma-a'n Mizo Idol a nih hnua Fakna hla a tihchhuah hmasakber niin, June 19 khan tlangzarh a ni. He hla hmang hian Pathian hnena lawmthu sawi mawlh mawlh tur kan nih zawk zia min hriat chhuah tir ṭheuh ngeiin a rinawm.