'The Inbetweeners' ah original star-te chang leh dawn

British teen comedy series, 'The Inbetweeners' in Netflix-a reunion movie an tihchhuah turah original-a a changtu berte an chang leh dawn. Production pawh ṭan a ni tawh tih Netflix chuan an nemnghet. Film thar siam a ni dawn tih hi thla hmasa khan puan a lo ni tawh a, 'Inbetweeners 3' tih a ni dawn a ni.

Film-ah hian Simon Bird, James Buckley, Blake Harrison leh Joe Thomas chuan an role ngai Will McKenzie, Jay Cartwright, Neil Sutherland leh Simon Cooper lem an chang leh dawn a ni. 'The Inbetweeners' creator Damon Beesley leh Iain Morris-te chu writer leh director an ni bawk ang. Film hi Claire Jones bakah Patrick Holland leh Mark Lesbirel-ten an produce dawn a, Caroline Levy, Caroline Leddy leh Phil Gilbert bakah midang eng emaw zat executive producer an ni bawk ang.