Suno leh Believe-in thawh dunna thar an siam

Khawvel changkanna ṭhang zelin a ken tel Artificial Intelligence (AI) hmanga music siamna lian ber pawl Suno chuan music industry huangah hmun a khuar nghet zel. Rimawi huanga insawh nghehna turin France-a hmunpui nei, independent music company Believe nen thawk dun tura inremna thar an siam thu Thawhlehni khan an puang ta rup mai.

He inremna hian Believe hnuaia digital distributor TuneCore nena thawh dunna pawh huam telin, hei bakah group pahnih hnuaia artist leh label zawng zawng pawh thawh dunna kaltlang hian huang khatah an awm za tawh dawn a ni. Suno kaltlanga track siamte pawh Believe leh TuneCore katlang hian thehdarh theih a ni dawn bawk a ni.

Believe founder leh CEO ni bawk, Denis Ladefaillerie chuan kum 20 chuang artist-te tana hma an lo lak tawhna ṭha zawka tihchangtlunna tura tunlai khawvel changkannain a ken tel thiamna thar hmanga an kalpui thei tur chu lawmawm a tih thu a tarlang tel bawk.