&TEAM album thar che ṭha

Japanese boy band &TEAM chuan an Korean mini album pahnihna 'Mark on Me', September 8-a an tlangzarh chu tlangzarh niah copy 1,224,524 an hralh chhuak nghal a, daily album chart-ah pakhatna an nihpui a ni. Nikuma an Korean debut mini album, 'Back to Life' tih copy 1,139,988 an hralh chhuah chu an khum a ni.

'Mark on Me' hi an group-in album copy mtd khat chuang an hralh chhuah palina a ni a, Japanese single 'Go in Blind', 'Back to Life' leh Japanese mini album 'We on Fire' tihte pawh an lo chetṭhat pui tawh hle a ni. Nikum April thla khan 'Go in Blind' hi copy mtd hralh tlingin, Korean leh Japanese-a tlangzarh a nih hnuah pawh a cheṭha chhunzawm zel thei.

Mini album an tlangzarh niah hian showcase nei nghalin, album title track bakah 'Good Boy', 'Love Jang' leh 'Empty' tihte an perform a; event hi Weverse, TikTok leh HYBE Labels YouTube channel-ah stream a ni. Member pakua awmna group hi HYBE Labels Japan hnuaiah an debut a, an fandom hming hi LUNÉ tih a ni.