Harry Styles-a'n global stadium tour neih hun tur puang

English singer-songwriter leh actor, Harry Styles chuan a album 'Kiss All the Time. Disco, Occasionally' puala residency a neih mek chu a tawp khar a ni dawn hnai tawh a, mahse 'Together, Together' tour nakkumah neih chhunzawm a ni dawn tih a puang.

Styles chuan Ningani zing khan 'Together, Together' tour-ah hian show vawi 25 neih belh a ni dawn tih puangin, nakkum April leh May thla hian North America-a khawpui parukah neih a ni dawn a, hemi hnu July leh August thla hian Europe-ah neih chhunzawm leh a ni ang. Show hi zan hnih zel a nei dawn a, London-ah zan thum neih a ni thung ang.

Nakkuma tour buatsaih tur opening act-ah hian Kiley Minogue, Lainey Wilson leh LCD Soundsystem-te an inlan dawn. Opener lineup zingah Tears for Fears, Tinashe, Feist, Caroline Polachek, CA7RIEL & Paco Amoroso, the Womack Sisters, Baby Rose leh Q Marsden-te pawh an tel a ni.