'X-Men' reboot-ah Asa Germann

Marvel kutchuak, 'X-Men' reboot-a a changtu tur puan belh niin, 'Gen V' star Asa Germann chu high-flying mutant, Angel lemah a chang dawn. Film-ah hian Sadie Sink chuan Jean Grey lem a chang dawn a, Kit Conor-a'n Cyclops, Samara Weaving-i'n Emma Frost, Inde Navarette-i'n Rogue, Christopher Abbott-a'n Prof. X leh Maya Boyd-i'n Storm lem a chang dawn a ni.

Marvel Studios chief Kevin Feige chuan 'X-Men' a chang turte hi thla hmasa khan D23 convention-ah a puangzar a ni. Film-ah hian Adam Driver chuan classic 'X-men' comic-book-a villain, Mr. Sinister lem a chang dawn a, 'Thunderbolts' director Jake Schreier chuan a siam dawn a ni. Movie hi kum 2028 May 5-ah tlangzarh a ni ang.

Asa Germann character Angel hi a hming tak chu Warren Worthington III a ni a, sava anga thla neiin a thlawk thei a ni. Fox-a tihchhuah 'X-Men: The Last Stand' ah pawh khan a inlan tawh bawk. Armann hi American Prime Video superhero satire, 'Gen V' ah changin, Sam Riordan lemah a chang a ni.