Snoop Dogg in 2026 MTV VMAS host dawn

2026 MTV Video Music Awards chu kumin hian kum kua zet a liam hnuah West Coast lamah neih a ni ve leh tawh dawn a, VMA nomination vawi 13 hmu tawh leh winner vawi thum lo ni tawh Snoop Dogg in a host dawn tih organizer lam chuan Ningani khan an puang. Kumin awards-ah hian Nirvana hnenah Video Vanguard Award hlan a ni dawn bawk.

Nirvana leh Snoop Dog te hian 90's chho vel khan rimawi khawvel-ah thawm an lo nei lian dun hle ṭhin tawh a, Snoop Dogg hian 90's bawr chhoah khan Billboard 200 chart-ah ṭum thum No.1 a ni thei a; Nirvana hi ṭum li No.1 an lo ni tawh bawk. Kum 1994 khan Nirvana hian 'best alternative video' dawngin Snoop Dogg hian 'best rap video' te an lo dawng tawh a ni.

Kumin awards-ah hian Madonna chu nomination hmu tam ber niin category 11-ah nomination a hmu a, a dawtah hian Taylor Swift niin pakua a hmu a, Ariana Grande leh Sabrina Carpenter in pasarih ve ve an hmu bawk. Show hi Peacock Theater, Los Angeles, California-ah neih a ni ang.