My Chemical Romance-in album thar chungchang sawi ri

Emo rock band lar, My Chemical Romance (MCR) te’n album thar an tichhuak dawn hnai a nih hmel a, hei hian fan-te a ti phur tawh hle. Tarlan danin band Frontman Gerard Way chuan kum 15 hnuah a vawi khatna turin Black Parade tour kharna San Antonio a neihah a sawi ri zuk a ni.

Kum 2013-a an kehdarh hnuah 2019 khan reunion leh tawhin tour lian tak tak an lo nei tawh. Mahse, rimawi ngainatute’n kum tam tak an lo nghahhlelh ‘MCR5’ album 5-na hi a takin a lo thleng ngei dawn nia hriat a nih takah chuan fan-ten tihtakzetin an nghakhlel tawh a ni.

Tun hnaia an tour neih mekah pawh hian visual concept thar hi an lantir zauh zauh zel a ni. Hetih lai hian an album thar chhuah hun tur leh a chipchiar erawh band lam hian an la zep rih a, mahse, Way thil sawi dan hmangah album thar tihchhuah turah erawh ruahmanna ṭha tawk tak a awm.