Yeonjun-a'n a piancham pualin USD 68,000 donate

South Korean boy band TXT member, Yeonjun chuan nimin September 13-a a piancham pualin USD 68,000 (KRW mtd 100) a donate. Community Chest of Korea chuan Yeonjun hian a piancham lawmna atan he thilpek hi a hlan tih an puang a, donation atana KRW maktaduai 100 thawh tling tawh emaw, kum nga chhunga hetiang zat chu thawh tura intiam Honor Society-ah a tel tih an puang bawk.

Sum a donate hi South Korea-a khaw pakhat, Seongnam-a kum upa lamten a thlawna ei leh in an dawn theihna tur leh, helai huamchhunga kum upate awmna welfare facility thuam ṭhatna atan hman a ni dawn a ni. Yeonjun chuan mi tam tak ngaihven a hlawh avanga a hlawhtlinnate chu mi dangte tana pek let ve a duhna a nih thu leh, donation a pek chu a mamawhtute tana an chakna a nih ngei a beisei thu a sawi. Yeonjun hian mi harsa zawkte ṭanpui kawngah theihtawp a lo chhuah tawh ṭhin a; naupang harsa zawkte tan ei leh in, PTSD leh kangṭhelhtute tana recovery programme siam, ALS vei damlote tana nursing hospital sak, naupang leh tleirawl rilru hriselna lamah a pui nasa hle bawk a ni.