Diljit-a'n Ed Sheeran leh Taylor Swift khum

Punjabi singer Diljit Dosanjh chuan September 12 khan Wembley Stadium, London-ah concert neiin, he hmuna mimal concert neih tawh zinga chhimtu ngah ber zingah a tel pha. Concert chhimtu ngah zingah Taylor Swift, Ed Sheeran leh Michael Jackson te a khum a ni.

Diljit hi Indian artist zingah Wembley Stadium-a mimal concert nei hmasa ber a ni bawk. A concert chhimtu hi mi 92,000 an tling. Hetih lai hian he hmuna mimal concert neih chhimtu ngah ber chu kum 2017, June thla Adele concert kha niin, mi 98,000 in an chhim a ni. Taylor Swift hian 2024 khan Eras Tour-ah June 20-23 chhungin concert a lo nei tawh bawk a, a concert chhimtu hi zan khatah mi 89,000 zet an tling pha. 2022-a Ed Sheeran-a Wembley concert a neih khan mi 80,000 vel an pungkhawm bawk.