EVAN-a'n 'Death of Me' performance video tichhuak

South Korean singer Enhypen member hlui, Lee Hee Seung EVAN tiha hriat chuan a solo mini album hmasa ber title track, 'Death of Me' performance video a tichhuak. Video hi nimin September 15 khan HYBE Labels YouTube channel-ah tihchhuah a ni.

A agency Belift Lab chuan EVAN hian amah ngeiin a idea a thawh thu leh, a backup dancer-te nena an perform na section-ahte a thawhhlawk hle tih an sawi. 'Death of Me' hi tlangzarh a nih aṭangin a cheṭha nghal hle a, Japan-a Oricon daily album chart-ah No.2 niin, UK Official chart download leh sale-ah a lang pha bawk. Hei bakah ram 11-a iTunes album chart-ah a lang bawk a, tlangzarh a nih aṭanga kar khat chhungin copy 500,000 a hralh chhuak thei bawk.

EVAN hi nimin khan SBS M-a 'The Show' ah perform-in, vawiin hian MBC M leh MBC every1-a 'Show Champion' ah a perform leh bawk dawn a ni. EVAN hian kumin March thla khan ENHYPEN chhuahsanin, Belift Lab hnuaiah a la awm chhunzawm a ni.