Sonic animates series thar siam a ni dawn

Khawvel huapa game developer lar SEGA chuan an hnuaia game lar leh hit tak mai Sonic The Hedgehog chu TV series a pek chhuah turin animated thar tihchhuah a nih tur thu an puang ta rup mai. Hei bakah hian an hnuaia game lar em em Crazy Taxi leh RGG Studio kutchhuak Stranger Than Heaven chu live action adaptation a siam tum a nih thu an tarlang bawk.

Hmalakna hlawhtlin theihna tur hian SEGA lam thawktu Carlos Stevens leh Toru Nakahara buaipuina hnuaiah Sonic series hi kalpui mek niin, game lam piah lamah Sonic leh a ṭhiante khawvel chipchiar leh ngaihnawm tak pek chhuah a ni thei dawn a ni. Hei mai bakah Crazy Taxi erawh SEGA leh Netflix inremna hnuaiah film anga siam a ni dawn a, writers Dan Gregor leh Doug Mand in screen play hi an ziak dawn a ni.