Macau-ah BABYMONSTER cheṭha

South Korean girl group, BABYMONSTER chuan Macau-a zan hnih concert an neihnaah ticket hralh zo vekin, mipui 18,000 vel an pungkhawm. An group hian September 11 leh 12 khan, '2026-27 BABYMONSTER WORLD TOUR [CHOOM]' chu Venetian Arena-ah an nei a ni. Hei hi an group in khawpui liana solo concert an neihna hmasa ber a ni bawk.

Concert hi 'WE GO UP' tih hla hmangin an khuh hawng a, an hla dang 'SHEESH' leh 'DRIP' te pawh an perform. Member tinte hi solo in an perform bawk a ni. Show-ah hian live band session pawh a awm bawk. Member-te chuan Macau-a an fan-te nen an inhmu thei ta chu lawmawm an tih thu an sawi a, theihtawp an chhuah zel tur thu an sawi. Macau-a show an neih hi an group world tour vawi hnihna peng pakhat a ni a, September 5 khan Manila-ah khuh hawn a ni. Tour-ah hian continent pangaa ram 18 an perform dawn a; Oceania, South America, North America leh Europe-ahte an perform dawn a ni.