Censor board panel member-ah Preity Zinta tel

India sorkar hnuaia Ministry of Information and Broadcasting chuan Central Board of Film Certification (CBFC) panel member thar 18 a ruat a, an zingah hian Indian cinema, television, music, theatre leh literature lama langsar tak tak pawh an tel. Panel member-ah hian actor lar Preity Zinta leh Suniel Shett te pawh ruat tel niin, filmmaker Priyadarshan, musician Ricky Kej leh critic Vinod Anupam te pawh ruat an ni a, kum thum term tur a ni.

Member 18-te hian dan hman mek hnuaiah film chhuak hrang hrangte enfiahin, an certified ṭhin dawn a ni. Board thar hi an hna an ṭan nghal a, Shashi Shekhar Vempati chu May 2026-a CBFC Chairperson atana ruat a nih hnuah a kaihhruaina hnuaiah hna an thawk dawn a ni. Board hi tun thla tir lam khan inhmukhawmin, film certification pek dan leh Revising Committees-te hnathawh dan chi hrang hrang an sawi ho.