IU-in a debut anniversary pualin ṭanpuina won mtd 200 pe

South Korean singer leh actress, IU chuan a debut 18th anniversary pualin a fan club,UAENA hmingin ṭanpuina won mtd 20 (USD 144,000) a pe chhuak.

Ṭanpuina sum a pek hi organization pali - Social Welfare Society, Seoul Rehabilitation Hospital, Heart-Heart Foundation, leh Habitat for Humanity Korea ah won mtd 50 ṭheuhin a sem a ni. Heng sum hi naupang leh tleirawl, sum lama harsatna tawk, zirna leh khawsakna senso sang lutuka puihna, an mental health enkawlna leh national veteran te puihna atan hman a ni ang. IU hian a hma pawhin UAENA hming hian ṭanpuina sum a pe chhuak fo a; a debut anniversary, birthday leh an ram ni pawimawh pualtein a pe fo a ni. Kumin Children's Day-ah pawh naupang leh tleirawl puih ngaite tan won mtd 100 a pe a, May 16-ah a piancham pualin won mtd 300 a pe chhuak bawk. IU hian September 10 khan a digital single thar, “Unknown Planet” a tichhuak.