R. Thangmawia Hriatrengna Zaipawl / Group Zai Intihsiakna: Zaipawl thiam ber Electric veng

R. Thangmawia Tu leh Fate buatsaih R. Thangmawia Hriatrengna Zaipawl / Group Zai Intihsiakna chu September 17 leh 18, 2026 chhung khan Dawrpui Multipurpose Center-ah neih a ni a, Electric Veng Branch YMA chu pakhatna an ni.

Intihsiakna Hla atan "Aw Hnam Vannei te u", tih chu Compulsary song a ni a, a hla hnihna atan hla pathum thlan tur siam niin, "A Na ka ti" tih chu Electric veng hian an sa a ni. Heng hlate hi Pu R. Thangmawia puala phuah an ni.

Pakhatna Electric Veng Branch YMA hian lawmanah music video siamna tur, Rs nuai 2.5 an dawng. Soli Deo Choir, Chhinga Veng chu pahnihna niin lawman Rs nuai 1 an dawng ve bawk. Mizoram Zaipawl intihsiakna a lawmman sumfai la ṭhathnem ber ṭum a ni.

Zaipawl intihsiakna hi a class a sangin judge-te pawh an duh uluk hle. Judge te hi Zaipawl leh Music a sulhnu ṭha tak nei - Rinzauva Sailo, Peter Zohmingthanga leh Prof. Lalnundanga te an ni. He Intihsiaknaa tel zawng zawngte hnenah hian Participation Prize sem a ni a, Top 7-a lang te hnenah Consolation Prize sem a ni bawk.