Maroon 5 'Payphone' video-in YouTube-ah views billion nei tling

American pop rock band lar, Maroon 5 leh rapper Wiz Khalifa te thawh hona hla 'Payphone' music video chuan video sharing platform YouTube-ah thlirtu tluklehdingawn khat a nei tling ve ta.

Kum 2012-a an tlangzarh, 'Payphone' hi Maroon 5 studio album pangana 'Overexposed' a mi a ni a, tlangzarh a nih aṭangin khawvel huapin rimawi ngainatute duh a hlawh nghal hle. Visual video hmuhnawm tak, action movie style-a siam a nih bakah Adam Levine leh Wiz Khalifa te thawh hona hian ṭhalaite thinlung a fan hle a ni.

'Payphone' hian YouTube-a billion club a zawm takah chuan Maroon 5 tan views billion 1 tling hla 5-na an neihna a ni ta bawk. An hla lar 'Sugar', 'Girls Like You', 'One More Night' leh 'Animals' te hnung a zui a ni. Pop music ngainatute tan chuan tun thlengin he hla hi hriatreng tling leh rimawi duhawm tak a la ni reng ti ila kan sawi sual awm lo e.