Lil Wayne-a’n Young Money logo a thlak chhan inpuang

Rapper lar Lil Wayne chuan a record label 'Young Money' logo hmasa zawk a thlak nachhan chu America baseball club lar, New York Yankees-te'n legal warning an thawn vang a nih thu a puang.

'The Joint Venture Show' podcast-ah Wayne chuan, kum 19 a niha Miami-a a chenna in kawngkharah Young Money logo 'YM' tih chu a hmang ṭhin tih sawiin, he logo hi Yankees logo 'NY' tih nen an inan em vanga lehkha hi dawng a nih thu a tarlang. Grammy Award dawng tawh rapper hian Yankees-te hi court-ah khing zui loin logo chu a thlak ve mai bawk.

Wayne chuan, "Yankees aṭanga lehkha dawn chu a nuam ka ti zawk. Sports khawvela 'legend' an nih vangin court-a khing zui loin logo ka thlak ta zawk a ni," tiin a sawi.