G.I.G. Motors Ṭhazual Gospel: Youth Icon Duhsaki 'Van in' a mawi ber!

G.I.G. Motors Ṭhazual Gospel chart tharah hun eng emaw chen chart lo mawi tawh, kum 2012 LPS Youth Icon Runners-Up Duhsaki hla thar 'Van in' tih chu pahnihna aṭanga rawn kaisangin, Ṭhazual Fakna chart thara hla mawi ber a rawn ni thei ta. He hla hi August 14 a tihchhuah chauh kha niin thla khat tling awrh tihah chart roreltu a rawn ni thei nghal a ni.

"Van in" tih hla hi Gospepl singer lar Jonathan Lianhna phuah a ni a, music video hmuh nuam leh mawi tak hi Gabriel Graphix kutchhuak a ni a, music hi Duata Fanai Zarep siam a ni thung. Tih chhuah a nih aṭanga kar khatah No.4-ah a rawn lang thei nghal a, hemi hnu aṭang hian chart aṭangin a la chhuak leh lo a, No.1 a rawn ni zui ta a ni. Recording hi HC Recording Studio kutchhuak a ni bawk.

Praise On star, zai nung thei em em Cindy Lalthanpuii pawhin a hla thar 'Babulon', hlaphuah thiam fam ta Bd-a phuah chu tihchhuah aṭanga kar thumna lekah pahnihna a nihpui nghal bawk. Pathumnaah kar hmasa lawka tihchhuah Jonathan Lianhna hla thar 'Ni tin ka fiah' tih chu a rawn lang bawk a ni.

Zorema Khiangte pawh a hla thar 'Thinlung tlawm fakna' tih hmangin chart-ah a rawn lang thar leh a, he hla hmang hian Pathian pawlna a chan nasat zia a hmuh theih awm e. Mizo Idol season 8 first runner-up Vanlalneihpuii hla thar 'Ro a rel ang' tih chuan ni 10 chhung lekin Top 5 a rawn khar thei nghal.