'Daredevil: Born Again' season 3 thleng tichhuak dawn

Marvel kutchhuak Charlie Cox channa 'Daredevil: Born Again' chu, season thumna tihchhuah a nih zawhah season thar siam a ni tawh dawn lo tih puan a ni. Season thumna hi final season ni nghalin, thla hnih vel liam ta khan production zawh fel tawh a ni a, Disney+ ah nakkum hian premiere a ni ang. Co-creator leh showrunner, Dario Scardapane pawhin series post-production neih laiin show hi a lo chawlhsan tawh bawk a ni.

Cox hi kum 2015-2018 khan Netflix-a tihchhuah, 'Daredevil' ah a lo chang tawh bawk a ni. Disney+ chuan nikum khan 'Daredevil: Born Again' siam tur hian inbuatsaih lehin, a changtu ngai eng emaw zat an chang leh a, chung zingah chuan Vincent D’Onofrio, Deborah Ann Woll, Elden Henson leh Wilson Bethel-te pawh an tel. 'Born Again' season 2 ah khan Krysten Ritter chu private detective Jessica Jones lemah changin, Mike Colter a inlan bawk.