2026 MTV VMA :Taylor Swift hnenah Artist Director Honors hlan dawn

Khawvel huapa hla phuah thiam leh zaithiam lar, Taylor Swift chuan kumin MTV Video Music Awards (VMAs)-ah chawimawina siam thar, 'Artist Director Honors' a dawng dawn a, he chawimawina dawng hmasa ber a ni dawn. Hei hi camera phena music video siamtu zinga kutchhuak chhuanawm leh entawntlak, kuthnu mawi tak siam chhuak ṭhinte pual chawimawina tura duan a ni.

Taylor Swift hi a music video 15 chuang direct tu a ni a, ‘The Man’ (2020) aṭang khan ama hla video te chu amahin a direct chho char char tawh a ni. Kumin VMAs-ah hian nominations 9 lai a hmu bawk. VMA-ah hian chawimawina 30 lai lo dawng tawhin, Beyoncé nen VMA la hnem ber record an nei mek.

Swift hnenah chawimawina hi Pathianni, September 27 hian Los Angeles-ah hlan a ni ang a, VMA chawimawina dawng hnem ber record siamtu thar a ni thei nghal dawn a ni.