Amazon-in Meta AI Agent block

Tech khawvela thawm lian, Meta-in AI agent thar ‘Muse’ a tlangzarh hnu lawkah, internet hmanga thil zawrhna hmunpui Amazon.com chuan synthetic bot hmanga a website tlawh leh thil lei a khapsak nghal. Pathfinder AI hmanga mahni thil tihsak thei, Muse hi Amazon chuan Pathianni tlai lam khan a block a ni.

Amazon thupuangtu chuan Meta hian advance notice pawh pe loin he feature hi an rawn tichhuak a, user-te credential leh data vawnhimna thil-ah security hazard a thlen thei a ni, a ti. Chutih laiin Meta lam chuan Muse hian user-te password leh bank detail engmah a hmu thei lo a, a storage him takah chauh a thawk a ni, tiin thuchhuah an siam ve thung. He inbeihna hian AI agent-ten e-commerce lama thil an tih theihna tur laka thuneihna inchuhna nasa tak a awm chho ṭan tih a tichiang hle.