Korean movie Hindi version-ah Sonam Kapoor

Bollywood actress Sonam Kapoor chu Hindi verson-a siam tur Korean movie 'Blind'-ah a chan dawn thu sawi a ni.

Sonam hi kumin chhung hian a pa Anil Kapoor nena an chan dunna 'Ek Ladki Ko Dekha Toh Aisa Laga' leh 'The Zoya Factor' film-ah changin, he film pahnihte hi a hlawhtlinpui lutuk lem lo. Thuthar lakhawmtute chuan kum 2011-a tihchhuah, Kim Ha-neul leh Yoo Seung-ho-te chan dunna 'Blind' hi Bollywood-in hindi verson-a tihchhuah an tum thu an tarlang a, he film-ah hian a changtunu atan hian Sonam hi an sawi lang a ni.

Korean movie 'Blind' hi 'hit and run case' chungchang tarlanna film a ni a, hemi zulzui hian Bollywood pawh hian an her danglam rin a ni. Viacom 18 company chuan he film thar tur hi a produce ang. He film hi script ziah mek a nih thu tarlan a ni bawk.