Taylor Swift-i'n single thar tichhuak dawn

American singer-songwriter Taylor Swift chuan September 25 Zirtawpni hian a single thar, 'Patient Zero' tih chu digital service hrang hrangah a tichhuak dawn. He single thar hi Swift website-ah darkar 24 chhung pre-order theih a ni tih a social media-ah a puang bawk.

Swift chuan a website kaltlang hian single limited edition pathum a hralh chhuak dawn a, October 13 aṭangin lei ṭan theih a ni ang. He single tihchhuah tur denchhen hian Swift chuan a Instagram bio description-a letter O a hman chu numeral 0-in hmun thumah a thlak bawk a ni. A fan Swifties-te chuan hla thar dang a tihchhuah belh dawn nia an rin thu sawiin, tihchhuah a nih hun tur an ngaihven nghal hle. Thla tam tak chhung chu Swift self-titled debut album kum 20 tlin lawmna atan, 'Taylor Swift (Taylor's Version)' a tichhuak dawn nia sawi thawm a tam hle a, mahse he single thar hian inzawmna a nei lo thung.