The Batman film-ah Matthew McConaughey chang mai thei

American actor Mat­thew McConaughey chu 'The Batman' thar turah hian 'Harvey Dent' (hmai pahnihnei)-a lemah a chang dawn nia sawi a ni.

'Dallas Buyers Club' film-a a chan thiam em avanga Oscar award-a best actor pawh lo dawng tawh, McConaughey hi he film thar tura director Matt Reeves chuan Harvey Dent lemah hian chang turin a duh niin media ṭhenkhattte chuan an sawi.

'Twilight' star Robert Pattin­son chu Batman lemah a chan tur thu tihchian a ni tawh a, mahse mi tam tak chuan Pattinson-a Batman lema a chang tur hi inhmeh lo an ti hle a, chutih rualin mi eng emaw zat chuan an nghakhlel ve thung a ni.

Pattinson bakah hian Ame­ri­can actress leh singer Zoe Kravitz chu 'Catwoman' lema a chan tur thu he film thar pe­chhuaktu tur, entertainment com­­pany Warner Bros. chuan a sawi chiang tawh bawk. Anni bakah hian Paul Dano chu The Riddler lemah a chang dawn a, Jeffrey Wright pawh Police Commissioner Jim Gor­don lemah a chang dawn a ni.

American superhero film 'The Batman' hi kum 2021 June 25-ah United States-a tlangzarh tura ruahmanna kalpui mek a ni a, nakkum January aṭangin film shooting neih ṭan an tum.