2019 AMA-ah Camila Cabello, Billie Eilish, Dua Lipa leh Lizzo-te kan hmu dawn
Los Angeles-a November 24-a neih tur, 2019 American Music Award (AMA)-ah Camila Cabello, Billie Eilish, Dua Lipa leh Lizzo-te zai kan hmu dawn.
Hmanni lawka Justin Bieber pawhin a zaipui American singer Eilish chu AMA-ah hian a zai hmasa ber dawn a, American commercial broadcast radio and television networks ABC chuan AMA hi live-in a pe chhuak dawn a ni. AMA-ah hian nomination hmu hnem ber chu American rapper Post Malone a ni a, ani hian nomination pasarih zet a hmu a ni. A dawtah Ariana Grande leh Billie Eilish an awm thung a, an ni hian nomination paruk ve ve an hmu bawk.
He hunah hian 'Lover' singer Taylor Swift chu Artist of the Decade Award hlan a ni dawn a, a zai nghal bawk dawn a ni. Tunhnaia thawm rawn nei lian em em mai, Selena Gomez pawh a zai dawn.