LA Lakers History leh Photo Book thar Taschen-in tichhuak

NBA club lar leh hlawhtling, Los Angeles Lakers chuan kum 80 dawn liam ta chhunga an chanchin leh hlawhtlinna hrang hrangte tarlanna, thlalak leh thu inchawhpawlhna Photo Book thar an tichhuak. He photo book hi luxury art-book publisher Taschen nen ṭangduna an buatsaih a ni. He thlalak bu thar hi USD 100 man a ni a, Lakers webstore, Taschen store leh Crypto.com Arena-a Team LA store-ah te lei theiha chhawp chhuah a ni.

Photo Book hi phek 528 a chhah niin, 'Lakers: An Official History of the Purple & Gold' tiin a hming vuah a ni a, tualchhung basket ball chanchin leh thlalak hlu tak tak te tarlan a ni. A chhunga thu inziakte hi Kareem Abdul-Jabbar, Jeanie Buss leh Phil Jackson ten an ziah a ni hlawm.