Taylor Swift music video-ah Dakota Johnson leh Colin Farrel

American singer-songwriter Taylor Swift hla thar, 'Patient Zero' tih Zirtawpnia 'Life of a Showgirl: The Encore' album nen a tihchhuah music video-ah Dakota Johnson leh Colin Farrel-te an inlan dawn. Music video hi Swift direct a ni a, Pathianni hian MTV VMA-ah premiere a ni ang.

Swift chuan Ningani khan 'CBS Mornings' ah sneak peek video a lo tichhuak tawh a, a social media account-ah a tichhuak leh bawk. Video cinematography hi Emmanuel Lubezki kutchhuak a ni. Swift hian 'Patient Zero' tihchhuah a ni dawn tih a puan hnuah Nilaini khan 'The Life of a Showgirl: The Encore' a tihchhuah tur thu a puang leh a ni. Nikuma an album 'The Life of a Showgirl' expanded version-ah hian hla pali a awm a, chungte chu 'Patient Zero,' 'Cleveland!,' 'Pink Clouding' leh 'Babylon' te an ni. 'Patient Zero' hi Pathianni zan dar 7:30 ah MTV VMA-ah tihchhuah a ni dawn a ni.