Fred Astaire Biopic-ah Tom Holland, Margaret Qualley leh Sabrina Carpenter

Sony Pictures tihchhuah tur Fred Astaire biopic-ah Tom Holland, Margaret Qualley leh Sabrina Carpenter-te an chang dawn. Tun hnaia puan tawh angin, Holland hian film tihchhuah turah hian debonair dancer, Fred Astaire lemah a chang dawn a ni. Film hi Paul King chuan direct-in, Amy Pascal chu producer a ni.

Film-ah hian Qualley chu Adele Astaire lemah a chang dawn a, Carpenter hi Ginger Rogers lemah a chang dawn a ni. Fred leh Adele-te hi Broadway leh London-a West End star an ni a, Fred hi cinema-a star ropui ber pawl a nih hmain a co-star leh dance partner, Ginger Rogers nen an thawk dun a ni. King chuan Steven Levenson nen Kathleen Riley lehkhabu ziah, 'The Astaires: Fred & Adele' tih behchhana script an ziah hmangin a direct dawn a, Riley hi script leh story consultant a ni nghal bawk.

Fred Astaire hi film musical 30 chuangah a chang tawh a, Rogers nen an thawhdunna avanga hriatreng hlawh niin, film an chan dun tawh zingah 'Swing Time', 'The Gay Divorcee' leh 'Top Hat' te an tel.