AGT winner Nene-i'n an khua a thleng

America's Got Talent 2026 winner, Thailand tleirawl kum 16 mi, Nene Royal chuan nimin khan an khua, Phuket thlengin a lawmna ropui tak buatsaih a ni.

Nene, a hming tak Rattikan Amloy hian nimin chawhma khan Phuket International Airport a thleng a, airport-ah Phuket governor Chotnarin Kerdsom, a chhungte leh mipui ṭhahnem takin an lo hmuak. Nimin tlai khan Phuket-ah hian lawmna hun hi buatsaih a ni. Phuket City Municipality huaihawtin motor nen khawlai fanpui a ni a, an khaw mipui pungkhawmte hmaah Nene hi a perform nghal bawk.

Teen rocker, Nene hi America-a show ngaihhlut, America's Got Talent-a Thai winner ni thei hmasa ber a ni a, lawmman USD mtd 1 a dawng a ni. Thailand rock musician lar, Aed Caraboa chuan Nene leh a chhungte US-a an kalna senso Thai bath mtd 1 a tumsak dawn tih a sawi a, Thai company CP Group chuan condo an pe bawk a ni.

Nene hi October 13 hian Singapore-a metal band lar, Avenged Sevenfold show neih tura opening act tura sawm a ni nghal a, AX7 promoter leh amah Nene pawhin IG-ah an post tawh a ni.