'Jingle Ball Tour'-a perform turte puang

iHeartMedia chuan kumtin a buatsaih ṭhin, 'Jingle Ball Tour' kumina a buatsaih leh tura lineup-te puangin, an zingah Olivia Rodrigo, Hilary Duff, Jonas Brothers, Sombr,

Charlie Puth, Raye, Alex Warren, Katseye, OneRepublic, Ludacris, Teddy Swims, Sienna Spiro an tel. Tour hi Capital One buatsaih niin, Dallas/Fort Worth; Los Angeles; Chicago; Detroit; New York; Boston; Washington, D.C.; Philadelphia leh Nashville-ahte neih a ni ang.

Kumin 'Jingle Ball Tour' hi December 1 aṭanga 17 thleng neih tur a ni a, ABC-ah exclusive network special airing neih tur niin, hemi hnuah Hulu, D+ leh VOD-ahte tihchhuah a ni ang. Kum 13 a zawna tour an neih turah hian khaw pariatah show buatsaih a ni dawn a, chung zingah chuan Los Angeles; Chicago; Detroit; New York; Boston; Philadelphia; Washington, D.C leh Nashville-ah Ryan Seacrest Foundation nen an thawhdunnaa neih a ni bawk ang.

Hei bakah Dallas/Fort Worth-a iHeartRadio 106.1 KISS FM Jingle Ball chuan Kidd’s Kids nen an thawh dunnain kum 35 chuang mission an lo kalpui tawh, naupang natna khirh tuarte leh an chhungte tan hun hlimawm leh hriatreng tlak an lo buatsaih ṭhin chu neih a ni bawk dawn a ni.