Oasis documentary Hulu leh Disney+ a tlangzarh hun tur puang

English rock band Oasis documentary, 'Oasis: Don't Look Back in Anger' chu Disney+ leh Hulu-a premiere hun tur puan a ni ta. Documentary hi platform pahnihah hian kumin October 9-ah tlangzarh a ni dawn a, streamer-te chuan band interview footage thar leh, 'Wonderwall' bakah 'Slide Away' an perform-na an host dawn bawk a, hla dangte pawh a vawi khatna atan feature a ni ang.

Documentary hi Magna Studios produce a ni a, Venice Film Festival-a world premiere a nih hnuah, tun thla tir lam khan U.K. leh Ireland-a theatre-ah tlangzarh a ni. Documentary-ah hian band member Noel leh Liam Gallagher-ten kum 15 hnua an perform lehna hmasa berte pawh en tur a awm. Film-ah hian footage tuma la hmuh ngai lohte pawh tarlan a ni bawk. Sam Bridger leh Guy Heeley-te chu producer an ni a, Kate Shepherd, Marisa Clifford, Davud Karbassioun leh midang eng emaw zat executive producer an ni bawk.