November-ah ENHYPEN comeback dawn

South Korean boy band huhang ngah tak, ENHYPEN chuan kumina a vawi thumna atan 'THE SIN' series aṭangin November thla hian single tihchhuah an tum. Nimin September 29-a Korean media outlet report tarlan danin, ENHYPEN hian kumin November thla hian 'THE SIN' series story chhunzawmna atan single thar an tlangzarh dawn.

Hemi chungchangah hian an agency BELIFT LAB chuan, group member-te chu November thlaa hla thar tichhuak turin inbuatsaihna an nei mek tih an sawi. Industry thuchhuah chuan November thla laihawlah an comeback beisei a nih thu sawiin, a hun tur tak erawh an la tarlang lo. ENHYPEN hian kumin January 16 khan an mini album pasarihna, 'THE SIN: VANISH' tlangzarhin, August 31 khan an mini album pariatna 'THE SIN: BLISS' an tlangzarh leh bawk. 'THE SIN: BLISS' hi September 5 khan Billboard 200-ah No.1 an nihpui a, copy mtd 2.09 an hralh chhuak tih Hanteo Chart chuan a tarlang.