'The Flood'-ah Jennifer Lawrence

American actress leh producer, Jennifer Lawrence chu Zach Cregger-a buzzy sci-fi thriller 'The Flood' ah a chang dawn. Film-ah hian Cregger chu writer, producer leh director a ni nghal a, kum 2028 August 11-ah tlangzarh a ni ang. Amblin Entertainment bakah Roy Lee leh Miri Yoon-te pawh producer zingah tel. Film kalhmang tur erawh puan a la ni lo.

Lawrence hian kum 2012 khan 'Silver Linings Playbook' a chang hmangin Academy Award a lo dawng tawh a ni. 'The Hunger Games' franchise-a a chan hmangin khawvel mipui ngaihven a hlawh chho bawk a ni. Tun hnaiah Robert Pattinson nen 'Die My Love' ah an chang dun a, rom-com 'No Hard Feelings' leh A24 drama 'Causeway' ah a chang bawk. Film a chan thar tur zingah Martin Scorsese thriller 'What Happens at Night' pawh telin, 'Hunger Games' prequel 'Sunrise on the Reaping' ah a inlan bawk ang.